Reglur um endurgreiðslu vegna orlofshúsa

Endurgreiðsla fyrir leigu innanlands

• Afpöntun þarf að berast í tölvupósti á netfangið fit@fit.is eins fljótt og auðið er.
• Ef hætt er við leigu er tekin út bókun á húsinu og þar með losað fyrir aðra leigjendur.
• Við auglýsum einnig húsið laust á heimasíðu félagsins
• og á Facebook-síðu félagsins.
• Ef upp kemur vandamál varðandi orlofshús bendum við félagsmönnum góðfúslega á að hafa samband strax við umsjónarmann svo að hægt sé að leysa vandamálið. Aldrei er þó endurgreitt ef félagsmaður notar umsóknartímann sinn í orlofshúsinu og hefur ekki samband við umsjónarmann svo að hægt sé að leysa málið.
• Ef ekki næst að endurleigja er ekkert endurgreitt.
• Endurleigist húsið er endurgreidd inneign hjá viðkomandi á orlofsvef FIT.
• Endurgreitt er hlutfallslega eftir því hve mikið endurleigist.
• Punktar vegna sumarleigu eru bakfærðir ef tekst að leigja húsið út aftur.
• Fyrir breytingar eða afpöntun á öllum bókunum á orlofsvef er tekið breytingargjald kr. 3.000.-

Reglur um endurgreiðslu ef hætt er við leigu á húsinu í Orlando

• Sé afbókað áður en 8 mánuðir eru í leigu er haldið eftir breytingargjaldi.
• Sé afbókað síðar en meira en 6 mánuðir eru í leigu skal halda eftir 25% af leigu.
• Sé afbókað síðar en meira en 4 mánuðir eru í leigu skal halda eftir 50% af leigu.
• Sé minna en 4 mánuðir í leigu er ekkert endurgreitt.
• Endurleigist húsið allt afbókunartímabilið er endurgreitt allt nema breytingagjald.
• Endurleigist húsið hluta af afbókunartímabilinu er breytingargjald dregið af og endurgreitt hlutfallslega.
• Fyrir breytingar eða afpöntun á öllum bókunum á orlofsvef er tekið breytingargjald kr. 3.000.-