Verkfæri og föt

Í kjarasamningum iðnaðarmanna er kveðið á um verkfæri og föt. Starfsmenn eiga að jafnaði rétt á tveimur vinnugöllum á ári og skulu skila ónothæfum vinnufatnaði til að fá nýjan. Við starfslok skal skila öllum vinnufatnaði. Tegund vinnufatnaðar ákvarðast með tilliti til hverskonar störf eru unnin.

Í stað almenns vinnufatnaðar er atvinnurekanda heimilt að greiða starfsmönnum í byggingariðnaði sérstakt fatagjald. Fyrir fatagjald í tímavinnu og ákvæðisvinnu skulu starfsmenn sjá sér fyrir öllum almennum vinnufatnaði, þar með töldum samfestingum í vinnu við olíuborin mót. Fatagjaldið ber þó ekki að greiða í fjarvistum vegna veikinda eða slysa og ekki heldur í orlofi eða óunnum helgidögum.

Heimilt er með samkomulagi atvinnurekanda og starfsmanns að greiða fatagjald, kr. 15,42 (m.v. 1.11.2022) við hverja launaútborgun inn á sérstakan fatareikning hvers starfsmanns. Úttektarheimild miðast við inneign á fatareikningi viðkomandi starfsmanns og miðast úttekt við kostnaðarverð vinnufatnaðar. Nýti starfsmaður ekki úttektarheimildina að fullu, skal mismunur greiddur út við árslok eða við starfslok.

Verkfæra- og fatagjald byggingamanna

Verkfæragjald blikksmiða

Verkfæragjald reiknast á alla unna tíma og er háð byggingarvísitölu. Grunnvísitalan er 203 og grunnupphæð verkfæragjalds er kr. 46. Verkfæragjald er uppfært 1.janúar og 1.júlí ár hvert.

Verkfæragjald pr. klst. (01.01.2023) – 221,16 kr. miðað við 36,25 virkar vinnustundir á viku